un Galicien dans Bruxelles/Brussel

Din que o plato típico de Bélxica son os mexillóns con patatas fritas, pero creo que, en realidade, o plato típico é o da foto

Hoxe, despois de tres semanas nesta cidade, comín o primeiro Kebab (e iso que os "restaurantes" turcos en tódalas esquinas da cidade!). Estaba realmente rico, e traía as patatas fritas aparte! (aquí soen metelas entre o bocadillo).

Tamén hai algo moi interesante que é a Kefta, que son como unha clase de albóndigas. A min gústame moito, sobre todo nos "panini's"

En realidade, o interesante non foi o kebab que comín, senón que llo pedín ao paisano en francés, con salsa e para levar, e entendeume perfectamente!

Sucede que o idioma é o que peor levo desta cidade, pero prometo que hei de marchar falando un francés básico!

chúzame

Dende logo, do mellorciño que teño atopado nesta cidade, son os chocolates e os gofres. Dos últimos non estou tan seguro, pero dos chocolates, podo asegurar que, efectivamente, teñen ben merecida a fama de ser os mellores do mundo.

E para mostra, un botón (ou un clic!) para que vexades a miña cara de contento co primeiro chocolate belga que probei!!! (e para iso, tiveron que pasar case dúas semanas)

Non saberán comer neste país (basta con saber que a comida típica son os mexillóns cocidos con patatas fritas...) pero... mi madriña que chocolates teñen!

Aquí descubrín:

- A crema de cacao... branca

- A crema de cacao Cote d'or (si, co bo que está o chocolate, imaxinade a crema) e, a min que non me gusta o chocolate negro, a crema está boísima. Tamén me gusta moito a crema de cacao de Milka

- Os chocolates Galler (que boas barritas...)
- E a marca de chocolate por excelencia, Godiva.

E outra cousa que probei foi o mellor gofre do mundo!!!!! Ao ladiño do Manekken Piss. Sen palabras. Toda unha bomba...

Pero que doces hai nesta cidade... oxalá o transporte público fose a metade de bon.

chúzame

Hoxe, domingo, peerimitinme o luxo de durmir ata que me deu a gana. Onte pola noite hoube unha despedida dun español e acudimos á festa para facer algo de vida social, como é habitual.

Pero claro, como aínda non fixen unha compra "en condicions", pois tiven que rebuscar entre as paredes da nevera qué podía comer, e atopei (entre dous iogures e un aquarius) unha... ensalada.

 http://www.flickr.com/photos/14661535@N0...)

Non preguntedes qué leva: xamón cocido, cenoria, maionesa... cousas habituais nas ensaladas de aquí.

Dende logo, a dieta é moi diferente á nosa. Cómese moitísimo menos (coido que iso pode ser beneficioso para o meu corpo e parar a miña expansión frontal...) pero, en moitos casos, son comidas con máis hidratos e graxas.

Existen moitísimas clases de pan, cada unha máis boa que a outra, e, como xa saberedes, o chocolate (que aínda non probei!) é o mellor do mundo!

Outro dóce moi habitual, e ao que comezo a afeccionarme (malo, maaaalo) son os gofres! Tiña o recordo duns gofres moi bos nunha gofrería de Cangas, pero... os de aquí son de outro mundo, crédeme!

Os horarios tamén son diferentes, xa que comen sobre a unha e cean sobre as 7 (máis ou menos), e van para a cama supercedo! A isto si que me vai a custar adaptarme...

chúzame